TIME
7:30 ص
عيش الحياه ببساطه لتجد السعاده كمل نفسك
من الحاجات اللي ممكن تضيع عمرنا.. عدم تعبيرنا عن المشاعر اللي جوانا المشاعر اللي بنحرمها من الوجود ومش بنخرجها للنور.. ممكن تقصر عمرنا
الطاقة اللي عندنا ومش بنستخدمها هي كمان ممكن تضيع عمرنا
الخوف.. التردد.. الحذر الزيادة.. القلق من المغامرة.. كل دول بيضيعوا مننا السعادة
كل دول بيضيعوا مننا حياتنا
كتير مننا بيضيع حياته في رحلة من البحث عن مصباح سحري
رحلة من البحث عن أشياء تحقق ليه وتوفرله السعادة
حاجة تبسطه وتخليه فرحان
الحقيقة اننا مع الوقت وخلال الرحلة وبعد تجارب وخبرات
بنكتشف ان اعظم الكنوز في حياتنا هي الحاجات الابسط..
أبسط حاجات عندنا
الحاجات اللي احنا دايما بنمتلكها
بنمتلكها لكن مش عارفينها
بنمتلكها لكن مش شايفنها
معظم الناس بتجري ورا الشيء البعيد.. ورا الخيال
بيعتقدوا انه هايحل كل مشاكلهم ويملي حياتهم بالفرحة والسعادة
وهما بيقولوا لنفسهم "لما احقق الحاجة الفلانية .. ساعتها هاكون سعيد"
الحقيقة ان السعادة هي مش حاجة احنا بنوصلها
ولا بنمتلكها ولا بنحصل عليها
السعادة هي حالة داخلية احنا بنخلقها ونوجدها
أي حد ممكن يكون سعيد..
السعادة متاحة لاي حد ..
السعادة ممكنه لأي حد..
السعادة أقرب لأي حد..
كل اللي احنا محتاجينه هو اننا نوقف شوية.. وننتبه اكتر شوية للكنوز اللي حوالينا
مش مهم دنيتك والعالم بتاعك من بره جميل قد ايه..
الاهم انت من جوا عامل ازاي؟
لو عالمك الداخلي ملخبط وغير صحي.. مافيش اي شيء ممكن تحصل عليه من العالم الخارجي ممكن يخليك سعيد
لو عالمك الداخلي صحي ومكتمل.. الاشياء الاساسية وابسط الاشياء في عالمك الخارجي هاتملي قلبك وروحك
مش مهم احنا بنجمع حاجات قد ايه.. ولا بنكسب كام..
مافيش شيء خارجي ممكن يكمل اي نقص داخلي..
احنا كبشر كلنا عندنا فجوات داخلية بتحتاج اللي يملاها ويكملها
إكتشف اللي ناقصك داخليا.. قبل شكلك خارجيا
املي قلبك بحب نفسك وتقبلها
تقبل نفسك واكتشفها اكتر هاتلاقيك بتفرح بيها
إعرف قيمة نفسك.. قيمة اللي بتمتلكه النهاردة..
فتح عينيك جواك.. وشوف أحسن ما فيك
تخلص من أي مشاعر سلبية تجاه أي شيء أو أي حد
لأنك هاتكون أكتر واحد خسران
إملي قلبك.. عقلك.. عينيك بالطاقة الإيجابية
غامر وخد خطوة..
الخطوة مش هاتموتك..
لو فضلت في مكانك مش هاتوصل لشيء مختلف
وقوفك في مكانك هو اللي هايموتك
